Author 
MANILA — Inanunsyo ng operator ng Ninoy Aquino International Airport (NAIA) na inatasan na nila ang mga security personnel na “huwag humawak ng pasaporte sa pagpasok sa terminal at sa security verification.”
“Ang mga pasahero ay hihilinging ipakita lamang ang kanilang valid ID o travel document sa pamamagitan ng paghawak at pagpapakita nito nang sila mismo,” ayon sa advisory ng New NAIA Infra Corp. (NNIC).
Ang bagong patakaran ay kasunod ng isang viral na post sa social media kung saan sinasabing hindi pinasakay ang isang matandang lalaki patungong Bali, Indonesia dahil sa punit na bahagi ng kanyang pasaporte.
Maaaring Hindi Payagan sa Biyahe ang May Sira ang Pasaporte: Tugon ng Cebu Pacific sa Viral na Facebook Post
“Ang insidente kamakailan na may kinalaman sa napunit na pasaporte ay naganap sa check-in counter ng airline sa NAIA Terminal 3. Wala pong naitalang ulat ng anumang mishandling mula sa mga security personnel ng NAIA,” pahayag ng NNIC.
Dagdag pa nito, nakikipagtulungan sila sa mga airline, Department of Transportation (DOTr), at Bureau of Immigration (BI) “upang palakasin ang mga proseso at matiyak na hindi na mauulit ang ganitong mga insidente.”